CAMPAMENTOS "inglés e medio ambiente" do 19 ao 28 de xullo
15 abril 2013
CURSIÑO: Algas de Galicia. Identificación, gastronomía e fins
terapéuticos
A quen vai dirixido ?
- Amantes da
natureza que queren iniciarse no mundo das algas mariñas ou que queren
completar o seu coñecemento sobre o patrimonio natural galego.
- Aqueles que
non se atreveron aínda a probar as algas como alimento e queren aprender a
facer con elas un prato sinxelo e rápido.
- Aqueles que
queren descubrir os efectos beneficiosos que teñan as algas para a
saúde humana.
- A todo tipo
de público, sen límite de idade nin de coñecementos previos , só gañas de
aprender e pasalo ben.
Que vas aprender e descubrir ?
- Planificar
correctamente unha saída á baixamar
- A ecoloxía
das algas mariñas galegas
- Identificar
as algas máis comúns do litoral galego, salientando as de interese
gastronómico ou beneficioso para a saúde.
- Procesar
algas recolleitadas
- Elaborar
cosméticos caseiros sinxelos
- Cociñar ao
estilo tradicional con algas e degustar pratos elaborados durante o curso
- Elaborar
nori-makis. Os famosos roliños de arroz e algas que son un dos pratos
estrela dos restaurantes xaponeses
- Grazas ás
práctica propostas conseguirás identificar ao final do cursiño unha ducia
de especies de alto interese para a saúde e alimentación.
Como se desenvolve o curso?
Desenvolveremos unha saída á baixamar nas inmediacións da
localidade de Pontedeume o sábado pola mañá. Durante a saída coñeceremos a
ecoloxía das algas mariñas e traballaremos a identificación “in situ” das algas
de maior interese.O curso combina sesións teóricas con obradoiros prácticos. Os obradoiros serán de cociña (tradicional e oriental) e de elaboración de cosméticos baseados na talasoterapia.
Os asistentes ao curso que contraten a pensión completa degustarán no menú comida con algas.
Aos asistentes subministraráselles os apuntamentos e presentacións dixitais en soporte dixital
En función das condicións meteorolóxicas poderanse cambiar a orde dalgunha das sesións.
Sobre o profesor
Xacobo de Toro Cacharrón é profesor especialista do Máster de Medicina Natural da Universidade de Santiago de Compostela e na EMAC de Oporto. Combina estas clases coa actividade docente de bioloxía en secundaria. Ten participado en diferentes estudos e proxectos de investigación no campo da bioloxía mariña e ficoloxía.
Teño que levar o meu propio coche?
Non dispor de coche non é problema para realizar o curso.
Seguro que nos podemos organizar entre os coches dos asistentes e o do profe
para facerche un recuncho.Teño que asistir ao curso enteiro?, e se un día non podo ir?
Non te preocupes. Facilitaráseche o material e apuntes igualmente previamente se é preciso para que poidas ler na casa e logo asistir as horas que poidas.
Que roupa e material debo levar para a saída á baixamar?
A mesma que levarías para facer sendeirismo: cómoda e confortable. Dependendo das condicións meteorolóxicas: chuvasqueiro, paraugas, botas de auga ou montaña …etc no caso de que faga mal tempo ou cangrexeiras e bañador se acompañan as temperaturas.
Deberías levar algunha bolsiña plástica tipo zip ou de conxelados para meter algunhas mostras que che interesen axudándote dunha navalliña ou coitelo.
Podo levar unha cámara?
Unha cámara compacta dixital con opción de macro pode axudarnos moito para rexistrar as especies que vexamos e así ter un arquivo gráfico dixital das mesmas.
Teño que levar os meus propios ingredientes ao obradoiro de cociña?
Cociñaremos produtos mercados pola organización do curso, pero para facer os nori-maki podemos levar da casa materiais que non interese probar: peixes afumados ou escabechados, queixos, diferentes hortalizas… etc
Onde faremos á saída á baixamar?
Nunha localización próxima a Pontedeume
2º CURSIÑO: Algas de Galicia. Identificación, gastronomía e fins terapéuticos.
06 março 2013
20 janeiro 2013
Obxectivo do curso:
O principal obxectivo deste cursiño é poder divulgar,
dun xeito básico, os aspectos,teóricos e prácticos, para dar os primeiros pasos
no cultivo ecolóxico das hortalizas máis comúns para autoconsumo nun balcón ou
terraza a través da instalación de mesas de cultivo, macetas, contenedores ou
xardineiras. Con esta actividade preténdese convertir o balcón nun pequeno
xardín ó que visitar cada día, contribuíndo deste xeito na sostenibilidade das
cidades propoñendo unha produción o máis ecolóxica posible, que non contamina
nin degrada o medio ambiente, favorece o consumo de alimentos saudables e axuda
na concienciación medioambiental das persoas. En definitiva, convértese nunha
potente ferramenta educativa para calquera idade á vez que permite ampliar os
nosos coñecementos sobre as plantas e os ecosistemas e desenvolver actitudes
como a paciencia e a constancia dun xeito divertido, útil e gratificante.
Relator: Marcos
Besada Alvarez, Enx. Agrícola e Ag. Ecolóxica
.Lugar: Albergue
ALVARELLA, Breanca nº 4, Doroña, Vilarmaior (A Coruña)
Datas:
23 e 24 de Febreiro de 2013.
PROGRAMA
1º Día
(sábado 23)
10:30h.-Presentación,ALVARELLA,
un proxecto singular. Desenvolvemento Sostible. ECOLABEL. Funcionamento do
grupo. Programa do curso.
10:45 h.- Charla:
Agricultura ecolóxica e horticultura urbana.
12:00 h.- Pausa-Café.
12:30 h.- Consideracións
ó cultivo en balcóns e terrazas I.
14:00 h.- Xantar.
16:00 h.- Paseo por
Alvarella.
16:30 h.- Obradoiro A:
Fabricación de goteiros caseiros.
18:00 h.- Pausa-Café.
18:30 h.- Charla:
Consideracións ó cultivo en balcóns e terrazas II.
20:00 h.- Coloquio.
20:30 h.- Tempo libre.
21:00 h.- Cea.
23:00 h.- Descanso.
2º Día
(domingo 24)
9:30
h.- Desaiuno.
10:00 h.- Obradoiro B:
Preparación da nosa primeira maceta hortícola e sementeira.
12:00h.- Charla:
Primeiras nocións sobre compostaxe caseira.
13:00 h.- Posta en
común, Avaliación do curso e conclusións.
14:00 h.- Xantar.
16:00 h.- Remate do
curso e despedida.
Nota.- Cada
asistente debe traer da casa o seguinte material de refugallo: garrafa de 5
litros; botella de 1,5 litros, 4 vasos de iogur e unha maceta tipo xardiñeira
(40x20x19), ésta é de 8 € aprox.
Subscrever:
Mensagens (Atom)