TEXTO LEIDO POR LOLI RODRIGUEZ NA ENTREGA DO DIPLOMA POR PARTE DO CONSELLEIRO AGUSTIN HERNANDEZ
Grazas polo premio.
Para a nosa empresa, que é unha “microempresa” ,adicada a actividades como son o turismo no medio rural e a educación ambiental supón unha enorme satisfacción recibir este galardón.
O proxecto que representa Alvarella, nacido vai facer nove anos, pretendeu ser xa dende o principio innovador e un punto de referencia.
Recuperamos e puxemos en valor o que fora unha explotación agraria en desuso para poñer en marcha un albergue turístico e un equipamento de educación ambiental con destino para dous usos complementarios:
1.- para os usuarios do turismo rural tradicional
2.- para actividades de educación ambiental non formal destinada ao publico en xeral e en especial ao publico xuvenil e estudantil.
O gran recurso co que contamos na comarca do Eume é o Parque Natural das Fragas do Eume.
No inicio do proxecto, no que foi obra nova, xa establecimos que nos deberiamos axustar o máximo posible aos parámetros dunha construción sostible. De feito a nova construción é en si, tamén, un recurso didáctico par as actividade de EA, o que nos chamamos EDIFICIO DIDÁCTICO.
Tamén dende o orixe apostamos polo uso de enerxías renovables, que logo fomos ampliando: primeiramente unha instalación solar térmica, mais tarde unha pequena instalación fotovoltaica e un aeroxenerador de 3kv e ultimamente unha caldeirade biomasa.
Estas accións xunta co permanente control sobre a eficiencia no consumo de recursos enerxético permitiunos deixar de emitir anualmenta a atmosfera 9 tn de co2.
Tampouco descoidamos a acción social. Buscamos emprego fundamentalmente na comarca, fomentamos a formación dos nosos empregados, e apostamos decididamente polo emprego estable.Consumimos, sempre que podemos, produtos locais e da nosa horta. En definitiva queremos ser unha pequena peza que quere axudar a valorizar o noso mundo rural, a súa economía e o seu rico patrimonio natural, cultural e lingüistico.
Pero somos unha empresa, e cada ano temos que observar a conta de resultados entón temos que estar constantemente deseñando novas actividades, buscando novos mercados e neste sentido os respaldos das Administracións , os recoñecementos,como este, e os apoios as nosas propostas son nos moi útiles. En concreto, a aposta por fomentar as actividades de EA e os investimentos para a posta en valor dos recursos naturais do noso pais,en particular, os PN, significa para as nosas actividades un gran reforzo.
Unha vez mais grazas.
Loli Rodríguez
Administradora de Alvarella