MEDIO AMBIENTE RECOÑÉCEA CO TERCEIRO PREMIO
25.01.2009 Situado a só un paso das Fragas do Eume, erguido sobre un socalco e oculto baixo as árbores, o albergue preséntase como o mellor observatorio da natureza. Concibido como un centro de aprendizaxe ambiental, Alvarella incorpora solucións construtivas bioclimáticas nos que divulga actividades para coñecer un pouco máis o noso medio
REBECA FERNÁNDEZ
Publicado en Galicia Hoxe
A un só paso do Parque Natural das Fragas do Eume, erguido sobre un socalco, e oculto baixo as árbores, o albergue Alvarella convértese no mellor observatorio da natureza. Concibido como un aloxamento ambiental construído con materiais bioclimáticos, a súa actividade céntrase na divulgación de actividades de educación relacionadas co Parque Natural, o patrimonio histórico eumés, as enerxías renovables, o litoral Atlántico ou a reciclaxe a través de actividades naturais como rutas de sendeirismo, descenso en piragua ou cursos de agricultura ecolóxica. Un labor que acaba de ser recoñecido pola Consellería de Medio Ambiente co terceiro premio á Pequena e Mediana Empresa Sostible, cuxo máximo galardón foi parar nesta edición á empresa Obras Civiles del Atlántico SLU.
Esta preocupación polo medio pálpase dende a propia concepción das instalacións: un edificio bioclimático rodeado por 50.000 metros cadrados de parcela. O albergue, destinado para os máis pequenos, conta con 12 cuartos de 2-5 prazas e persegue os principios da sustentabilidade, polo que emprega materiais naturais e de procedencia local, renovables, reutilizables e reciclables para para reducir o impacto sobre o medio natural. Ademais, á hora de poñelo en pé tívose en conta a morfoloxía do lugar, integrándoo harmónicamente no medio e orientándoo cara ó sur para aproveitar mellor a luz e a calor, co obxectivo final de lograr a eficiencia enerxética. Dentro desta concepción biosustentable, o centro contra cun programa de tratamento dos residuos, ademais de xestionar racionalmente auga e luz.
Enerxía, auga, residuos, consumo e alimentación, bioconstrución, patrimonio cultural, bosque, litoral, agricultura ecolóxica, plantas aromáticas e solo son as oito áreas nas que se de-senvolven actividades e obradoiros cos que concienciar ós máis pequenos da necesidade de asumir posturas respectuosas co medio e desenvolver hábitos de conduta que axuden a minimizar a presión contaminante. Iniciativas que se complementan cunha serie de actividades ó aire libre como rutas de sendeirismo e en bici, xogos tradicionais, ou a exploración das Fragas. Unha oferta completa da que se pode gozar todos os días do ano nunhas instalacións en perfecta harmonía coa contorna
Publicado en Galicia Hoxe 25-01-09
25.01.2009 Situado a só un paso das Fragas do Eume, erguido sobre un socalco e oculto baixo as árbores, o albergue preséntase como o mellor observatorio da natureza. Concibido como un centro de aprendizaxe ambiental, Alvarella incorpora solucións construtivas bioclimáticas nos que divulga actividades para coñecer un pouco máis o noso medio
REBECA FERNÁNDEZ
Publicado en Galicia Hoxe
A un só paso do Parque Natural das Fragas do Eume, erguido sobre un socalco, e oculto baixo as árbores, o albergue Alvarella convértese no mellor observatorio da natureza. Concibido como un aloxamento ambiental construído con materiais bioclimáticos, a súa actividade céntrase na divulgación de actividades de educación relacionadas co Parque Natural, o patrimonio histórico eumés, as enerxías renovables, o litoral Atlántico ou a reciclaxe a través de actividades naturais como rutas de sendeirismo, descenso en piragua ou cursos de agricultura ecolóxica. Un labor que acaba de ser recoñecido pola Consellería de Medio Ambiente co terceiro premio á Pequena e Mediana Empresa Sostible, cuxo máximo galardón foi parar nesta edición á empresa Obras Civiles del Atlántico SLU.
Esta preocupación polo medio pálpase dende a propia concepción das instalacións: un edificio bioclimático rodeado por 50.000 metros cadrados de parcela. O albergue, destinado para os máis pequenos, conta con 12 cuartos de 2-5 prazas e persegue os principios da sustentabilidade, polo que emprega materiais naturais e de procedencia local, renovables, reutilizables e reciclables para para reducir o impacto sobre o medio natural. Ademais, á hora de poñelo en pé tívose en conta a morfoloxía do lugar, integrándoo harmónicamente no medio e orientándoo cara ó sur para aproveitar mellor a luz e a calor, co obxectivo final de lograr a eficiencia enerxética. Dentro desta concepción biosustentable, o centro contra cun programa de tratamento dos residuos, ademais de xestionar racionalmente auga e luz.
Enerxía, auga, residuos, consumo e alimentación, bioconstrución, patrimonio cultural, bosque, litoral, agricultura ecolóxica, plantas aromáticas e solo son as oito áreas nas que se de-senvolven actividades e obradoiros cos que concienciar ós máis pequenos da necesidade de asumir posturas respectuosas co medio e desenvolver hábitos de conduta que axuden a minimizar a presión contaminante. Iniciativas que se complementan cunha serie de actividades ó aire libre como rutas de sendeirismo e en bici, xogos tradicionais, ou a exploración das Fragas. Unha oferta completa da que se pode gozar todos os días do ano nunhas instalacións en perfecta harmonía coa contorna
Publicado en Galicia Hoxe 25-01-09
Sem comentários:
Enviar um comentário